日圓兌換最抵攻略 日圓又跌 搵岩找換店就更抵! 

 

日圓上左一陣7蚊嘅高位，最近又回落，去番$6.6、$6.7嘅水平，對於大愛日本嘅香港人黎講絕對係好消息，因為貴又想去平又想去，但平左買野食野都可以更放!本住慳得一蚊得一蚊嘅精神，小編整理左幾個平換日圓嘅方法，唔洗再頭痛去邊間找換店唱錢啦!

 

手機app先查清兌換率

而家有手機app專門整理唔同銀行同找換店嘅即時報價，換錢前先睇清楚唔同銀行同找換店嘅兌換率，就更易兌到更抵嘅價位。

 

TTRate.com Exchange Rates

Apple同Android用戶都有得下載，版面清晰易用，除左銀行仲包埋港九新界比較大型嘅找換店兌換率，並且有地址同聯絡電話提供，睇岩價錢可以即刻打電話預約。

(圖片來源: Apple store)

網絡版: http://hk.ttrate.com/zh_hk/?c=JPY

Apple app: https://itunes.apple.com/app/ttrate.com/id978607473?ls=1&mt=8

Android app: https://play.google.com/store/apps/details?id=com.ttrate.android

 

香港外幣匯率

另一個比較各銀行同找換店兌換率嘅app，但只限Android用戶可以下載，Android用戶可視為另一個選擇。

(圖片來源: Google Play )

Android app: https://play.google.com/store/apps/details?id=com.eks.hkrate&hl=zh_TW

 

找換店要搵邊間?

經常有人列香港邊間找換店抵，例如係中環嘅百年，相信都冇咩人未聽過。但其實找換店之間嘅匯率相差唔會特別大，假如你只係用黎旅行，而並非需要兌換十分大嘅數目，小編認為無需專門去換，畢竟計埋車費時間未必會抵好多。以下分類左幾間唔同地區又比較有名嘅找換店，大家可以搵番間方便自己嘅。

 

港島

牛記找換有限公司

http://www.nkcl.com.hk/change-ch.php

地址：上環急庇利街 1 號長達大廈地下

電話：2545 3610

 

百年找換有限公司

http://bcel1985.blogspot.hk/

地址：中環德輔道中61-65號華人銀行大廈1703室

電話：2523 3403

 

九龍

堅成找換有限公司

https://www.ksme.hk/index_hk.html

地址：尖沙咀彌敦道36﹣44號重慶大廈地下87號鋪

電話：2368 0084

 

發達鳥找換店

http://www.richbirdhk.com/

地址：深水埗長沙灣道226-242號深之都商場2樓129號舖

電話：3956 4334

 

啟能國際投資有限公司

http://www.keypower.com.hk/tc/index.php

地址：旺角砵蘭街163-173號萬新大廈地下21號舖

電話：2780 0120

 

永恆公司

http://www.loyal-company.com/

地址：香港九龍尖沙咀漢口道17號新聲大廈5樓8室

電話：2376 0698

 

新界

生生外幣找換有限公司

http://www.sangsang.hk/html/index.htm

地址：沙田中心三樓商場22K [面向街舖, 工商銀行旁邊]

電話：2697 4700

 

以上幾間找換店都可以係TT rate上面睇到當日匯率，再上埋佢地網站睇就更準確。一般黎講找換店會比銀行抵，因為唔洗收手續費，而且找換店即時可以拎到現金，就算趕住去都唔擔心換唔切。部分大型少少嘅找換店更加有預訂服務，好似無人唔識嘅百年咁，提早預計就可以節省埋排隊時間。

 

去銀行換又好唔好?

雖然銀行換可能會貴少少，但都有佢優勢，當然唔係講緊拎錢去掛隊換，而係用TT rate呀!TT rate即係電匯價，比兌照鈔要平，同找換店嘅匯率未至於差好遠。而且大多數銀行都有網上銀行或者電話理財服務，上網或者打電話預留要兌嘅外幣，再去銀行拎就得。好處係隨時見到個兌換率低就可以即時預訂，唔洗就時間排隊，而且去番最方便自己嘅銀行就可以。

 

作為住係新界嘅朋友，小編通常選擇去銀行兌TT rate，雖然匯率高少少，但節省左交通費，而且方便。如果在該銀行有戶口，換外幣係唔需要手續費，但要提提大家，旅遊旺季或者熱門嘅貨幣，例如日圓，銀行未必有足夠現鈔，去銀行拎錢前可以先打電話問問該分行能否提供你所需嘅金額，所以如果你趕住出發，就比較唔建議去銀行換。

 

去到當地先換?

如果你太忙完全冇時間搵找換店或銀行兌錢，或者即興出發根本趕唔切換錢，最終極方法就只有去當地換。有去過日本嘅朋友都知，去到日本機場換係超級唔抵，完全唔需要考慮。要去到當地再換就比較建議用海外提款，係香港去櫃員機或者用網上銀行，先開通左海外提款服務，就可以係當地櫃員機直接拎到日圓(櫃員機係日本非常脊見，唔驚搵唔到)，兌換率按當天銀行匯率，唔同銀行嘅手續費不同，通常$20~$50不等，銀聯手續費會比較平。但提醒大家要小心銀行戶口有足夠餘額，如果唔係要現金透支，利息會貴好多!

 

去當地換錢不如碌卡?

冇錯，去當地先換錢一來匯率冇咁抵，仲要俾手續費，倒不如直按碌卡更方便!用信用卡付款後銀行會根據當日匯率轉番做港紙，假如去個陣匯率跌左，分分鐘仲平左。而且海外簽帳好多時有3倍cash dollar，儲里數嘅金額都比香港簽帳低，其實都幾著數。不過唔係張張相用卡都免海外簽帳手續費，出發前最好查清楚自己信用卡海外簽帳嘅手續費

 

每種換日圓方法都各有優劣，其實冇話邊種最好，最緊要係方便自己，最緊要~~~梗係日圓繼續跌，大家又可以去日本旅行加shopping啦!